Itinatag noong 1971 ang SAITAMA DOKEN Ippan Rodo Kumiai (SAITAMA DOKEN). 50 taon na ang nakalipas mula nang binuo ang unyon at sa kasalukuyan, mayroon itong higit sa 67,000 na miyembro at ito ang pinakamalaking unyon ng manggagawa sa konstruksyon sa Saitama Prefecture.  

◆4,600 JPY ang butaw sa unyon bawa’t buwan Bilang karagdagan sa nabanggit na halaga sa itaas, ang bawat sangay ay nangongolekta ng mga bayarin sa pagpapanatili ng tanggapan hanggang sa 400 yen bawat buwan. ◆Maraming proteksyon para sa mga di-inaasahang pangyayari tulad ng sakit at pagtigil sa trabaho dahil nasugatan!

Makakatanggap ng suportang pinansyal kapag tumigil sa trabaho dahil nagkasakit o nasugatan. Sa partikular, ang pagbibigay ng benepisyo habang nagpapagaling ng sakit sa bahay ay natatangi sa sistema ng unyon ng manggagawa para sa konstruksyon, at wala sa pribadong insurance. Marami ding mga sistema ng pagbibigay ng regalong pinansyal bilang pagbati sa masasayang pangyayari tulad ng kasal, pagsilang ng anak, at pagtatapos ng pag-aaral atbp.! Maraming ring kaakit-akit na benepisyo para sa mga kabataang kasamahan!

Mayroon ka bang problema sa iyong pagsasanay (training) sa konstruksyon?

Makikinig ang SAITAMA DOKEN sa iyong problema sa pinagtatrabahuhan, sasamahan kang mag-isip upang masolusyonan ito, at magiging kakampi mo kami.

• ○May problema ka ba dahil biglaan kang sinabihan ng iyong kumpanya na “Hindi na maitutuloy ang iyong training” o “Mangyaring lumipat ka sa kumpanyang nagsasagawa ng training sa agrikultura”?
• ○May problema ka ba dahil natigil ang konstruksyon sa iyong pinagtatrabahuhang lugar? Pinapagawa ba sa iyo ang ibang trabahong hindi akma sa training para sa konstruksyon?
• ○Nangyari ba sa iyo ito? Hindi ko natanggap ang sahod ko. Nakaranas ako ng karahasan. Tinanggal ako sa trabaho. Nasugatan ako, ngunit walang binayad na kompensasyon sa akin.
• ○Biglaan akong pinaalis sa trabaho nang walang dahilan.

 

Susuportahan namin ang iyong kalusugan

◆Ang insurance premium ay 14,500 JPY

Nakakabagabag kapag na-ospital o natigil sa pagtatrabaho nang dahil sa sakit. Mayroong sistema ang DOKEN KOKUHO (National Health Insurance para sa Konstruksyon) upang suportahan ka sa oras ng kagipitan.

Kapag na-ospital

◆Ibabalik ang binayad sa pagpapagamot kapag na-ospital ◆Sistema para mabawasan ang bayarin sa ospital

Kapag tumigil sa pagtatrabaho nang dahil sa sugat o sakit

◆Makakatanggap ng hanggang 180 araw ng benepisyo kapag may sakit o kapansanan

Ang SOGO KYOSAI ay aktibidad ng unyon upang tulungan ang isa’t isa. Para sa aplikasyon, kinakailangan ang inspeksyon ng iyong mga kasamahan sa grupo at ng iyong pinagtatrabahuhang division. Sa pagsumite ng aplikasyon, hinihiling na makilahok ka o ang iyong kapamilya sa pagpupulong at inspeksyon ng mga kasamahan sa grupo.  

Maraming ding kaakit-akit na benepisyo para sa mga kasamahang foreign trainees! Maaaring makatanggap ng benepisyo mula sa susunod na buwan matapos maging miyembro ng unyon

Kapag bago kang miyembro, maaari kang makatanggap ng benepisyo mula sa susunod na buwan ng pagsali (buwan na naging kwalipikado bilang opisyal na miyembro ng unyon). Gayunpaman, hindi kasama rito ang mga sakit o kapansanang dinadala bago pa naging miyembro, at mga “kronikong karamdaman” (na itinakda ng unyon) na lumabas sa loob ng 6 na buwan mula naging miyembro.

Paunawa) Hindi maaaring pagsamahin ang abuloy sa pagkamatay o malubhang kapansanan ng mismong miyembro sa kompensasyon para sa pagkamatay o pinsala dulot ng aksidente habang ginagawa ang aktibidad ng unyon. Paunawa) Para sa Regalong Pinansyal sa Pagkuha ng Kwalipikasyon-Classic, mangyaring tingnan ang pamphlet ng unyon o makipag-ugnayan sa opisina ng aming branch. Paunawa) Mag-iiba ang nilalaman ng insurance para sa mga taong 60 taong gulang o higit pa

◆Naaakma lamang ito para sa manggagawang nasa lugar ng konstruksyon ◆Huwang mag-atubiling magtanong ukol sa KENTAIKYO

Gumawa ng KENTAIKYO TECHOU!!

Ano ang KENTAIKYO Ang Kentaikyo ay sistema ng bayad sa pagreretiro na nilikha ng gobyerno para sa mga nagtatrabaho sa industriya ng konstruksyon. Sa sistemang ito, ang kumpanyang kinontrata para sa mga proyektong pampubliko ay magdidikit ng sertipikadong selyo sa TECHOU para sa bawa’t araw na nagtrabaho (1 araw=320 JPY). Makakatanggap ng bayad sa pagreretiro ayon sa bilang ng selyo. 3% ang yield sa pamumuhunan. Paano magpadikit ng sertipikadong selyo sa pinagtatrabahuhan Hihilingin ito sa kumpanyang kinontra para sa mga proyektong pampubliko sa pamamagitan ng may-ari ng kumpanya. Dumarami din ang mga kumpanyang nagdidikit ng sertipikadong selyo kahit sa mga pribadong konstruksyon kung hihilingin ito.

(Maaaring magkaroon ng pagbabago dito sa hinaharap. Ang pinapakita sa chart ay base sa pagdikit ng 25 na araw ng sertipikadong selyo sa 1 buwan). Mas maraming pakinabang dahil kapag naging bagong miyembro, bibigyan ka ng gobyerno ng libreng 50 na araw ng sertipikadong selyo.

Magbibigay kompensasyon hindi lamang para sa pinsala dulot ng aksidente sa pagbibisikleta at bayad-pinsala para sa taong naaksidente, ngunit pati na rin para sa mga panganib sa pang-araw-araw na pamumuhay at aksidente sa trapiko. Nirerekomenda ito para sa mga taong gumagamit ng bisikleta para pumasok sa trabaho o eskuwela, para lumabas papunta sa kapitbahay o para mamili. Ang Insurance para sa Bisikleta ng Saikurun ay isang set ng produktong binubuo ng 2 klase ng insurance: ang Comprehensive Insurance para sa Bisikleta (para sa mga aksidente sa bisikleta sa loob ng Japan) at Comprehensive Insurance para sa Pinsala (tipo para sa pinsala mula sa trapiko) (para sa aksidente sa trapiko atbp. sa loob at labas ng Japan) (panganib ng pinsala sa trapiko lamang ang kasama sa set ng kompensasyong espesyal).

(Insurance period: 1 taon, diskuwento ng grupo: 20%, isahang bayad) ※kasama dito ang 400 JPY para sa gastusin sa pananatili ng sistema

※ Para sa aksidente sa bisikleta sa loob ng Japan, babayaran ng insurance ang kabuuang halaga ng Comprehensive Insurance para sa Bisikleta at Comprehensive Insurance para sa Pinsala. Para sa aksidente sa trapiko maliban sa aksidente sa bisikleta sa loob o labas ng Japan, babayaran lamang ang insurance mula sa Comprehensive Insurance para sa Pinsala (tipo para sa pinsala mula sa trapiko). ※Isang insurance lamang ang maaaring kunin ng bawa’t taong naka-insure. *Mula sa babayarang premium (2,930 JPY), pupunta ang 2,530 JPY sa Sompo Japan Insurance Inc. at pupunta naman ang 400 JPY sa Doken Kyosaikai para sa gastusin sa pagpapanatili ng sistema. (Paunawa) Ang gastusin sa pagpapanatili ng sistema ay ang mga gastusin para sa mga bayarin na kinakailangan para patakbuhin ang sistema ng insurance (tulad ng bayad sa pagpapadala ng sertipiko ng insurance atbp.).

Magagamit ng miyembro ng unyon ng SAITAMA DOKEN at ng kanyang pamilya ang DOKEN CARD!

Makakatanggap ng serbisyo sa humigit-kumulang 3,000 lokasyon sa buong bansa tulad ng diskuwento sa gasolina sa Ihashi Energy, lugar ng paglilibang, pasilidad na matutuluyan, atbp.

●Gasoline stand　IHASHI ENERGY ●Buddhist Altar　Obutsudan no Hasegawa ●Lipat Bahay　Art Hikkoshi Center ●Tindahan ng damit　Youfuku no Aoyama

●Amusement Park　Fuji-Q HighLand ●Amusement Park　Sagamiko Resort Pleasure Forest ●Zoo　Tobu Zoo ●Aquarium　Izu Mito Sea Paradise ●Manakami Hodaigi Camping Ground ●Hotaka Bokujo Camping Ground ●Water Park　Joetsu Kokusai Playland ●Karaoke　Karaokekan

●Kamogawa Grand Hotel ●Onsen　Izu Ajiro Onsen Shofuen ●Hotel Maholova Minds Miura ●Hotel Taiyou no Sato Group

●GALA Yuzawa Snow Resort ●Joetsu Kokusai Ski Resort ●Iwappara Ski Resort ●Hodaigi Ski Resort ●Oguna Hotaka Ski Resort ●Rennaisance Sports Club

Maraming mga serbisyong matatanggap sa loob ng Saitama Prefecture, hikayatin ang mga kasamahan pumunta sa mga kainan at inuman, hair salon, at iba pang klase ng mga establisimyentong naka-rehistro at makatanggap ng iba’t ibang mga serbisyo.